सोमवार, आषाढ १ गते २०८३
सोमवार, आषाढ १ गते २०८३
सोमवार, आषाढ १ गते २०८३
शुक्रवार , श्रावण २२, २०७८
काठमाडाैं । नेपाली कांग्रेसकी सांसद डा. डिला सङ्ग्रौलाले कोभिड–१९ का कारण विदेशमा रोजगारीमा रहेका नेपालीहरूको बारेमा सङ्घीय संसद् प्रतिनिधि सभामा जरुरी सार्वजनिक महत्त्वको प्रस्ताव दर्ता गरेकी छन् । प्रस्तावको समर्थकमा प्रमिला राई र रामबहादुर विष्ट रहेका छन् ।
प्रस्तावमा कोभिड–१९ का कारण ‘विदेशमा रोजगारीमा रहेका नेपालीहरुको समस्या, कोभिडबाट मृत्यु भएका व्यक्तिका परिवार तथा रोजगारी गुमाएका व्यक्तिलाई नेपाल सरकारको तर्फबाट भएको सहयोग र वैदेशिक रोजगार असुरक्षित भएकोले त्यसलाई सुरक्षित बनाउन सरकारको योजनालगायतका विषयमा जरुरी सार्वजनिक महत्वको प्रस्ताव दर्ता गरेका छौँ’ प्रस्तावक डा. संग्रौलाल भनेकी छन्।
देशभित्रै रोजगारी गुमाएका र विदेशमा रोजगारी गुमाएर स्वदेश फर्केकाहरुलाई प्राथमिकताका आधारमा रोजगारी सिर्जना, तालिम, सहुलियतयुक्त ऋण तथा बजार समेत सुनिश्चित गर्नुपर्ने प्रस्तावमा उल्लेख छ ।
वैदेशिक रोजगारबाट फर्केका र स्वदेशमै पनि बेरोजगार भएका व्यक्तिहरुलाई सरकारले के–कस्तो राहत र रोजगारीको व्यवस्था गरेको छ ? प्रदेश सरकार र स्थानीय निकायसँग समन्वय गरी स्थानीय स्तरमै रोजगारी सिर्जना गर्ने योजना के छ ? त्यसको विस्तृत जानकारी माग गरिएको छ ।
यस्तै, वैदेशिक रोजगार असुरक्षित भएकोले त्यसलाई सुरक्षित बनाउन सरकारको योजना के छ ? अहिलेसम्म सम्झौता तथा समझदारी भएका मुलुकमा अनुगमन किन नभएको हो ? अब कुन–कुन देशसँग अनुगमन र श्रम सम्झौता हुँदैछ, त्यसको जानकारी माग गरिएको छ ।
© 2026 All right reserved to sunaulonepal.com
Design & Developed By
