काठमाडौं । लुम्बिनी प्रदेशसभाको बैठक फेरि स्थगित भएको छ । प्रदेशसभा सचिवालयले बुधबारका लागि बोलाइएको नवौँ अधिवेशनको पाँचौँ बैठक सभामुखको निर्देशनमा मंगलबार सूचना टाँसेर स्थगित भएको जानकारी हो ।
अर्को बैठक यही भदौ ३१ गते बिहीबार दिनको १ बजे बस्ने प्रदेशसभा सचिवालयले जनाएको छ ।
यसअघि प्रतिपक्षी दल नेकपा एमालेको निरन्तर अवरोधका कारण प्रदेशसभा बैठक लगातार दुई पटक स्थगन भइसकेको छ ।
लुम्बिनी प्रदेशमा एमाले प्रतिपक्षी दल बनेपछि प्रदेशसभा बैठक निरन्तर अवरुद्ध हुँदै आएको छ ।