काठमाडौं । पछिल्लो २४ घण्टामा ७६० जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ११ जनाको मृत्यु भएको छ ।
मन्त्रालयका अनुसार ६ हजार १६८ पीसीआर परीक्षणमा ६३६ र पाँच हजार ८६३ एन्टिजेन परीक्षणमा १२४ जना गरी ७६० जनामा संक्रमण पुष्टि भएको हो ।
यसैगरी पछिल्लो २४ घण्टामा ८९९ जना निको भएका छन् । मन्त्रालयका अनुसार हाल देशभर कोरोना भाइरसका सक्रिय संक्रमित १५ हजार ३४० जना छन् ।
तीमध्ये १४ हजार १६८ जना होम आइसोलेसनमा र ११७२ जना होम आइसोलेसनमा छन् । हालसम्म निको हुनेको संख्या सात लाख ७५ हजार ७२ रहेको छ । कोरोनाबाट मृत्यु हुनेको संख्या ११ हजार २२१ पुगेको छ ।