एजेन्सी । रुसकाे तातरस्तान इलाकामा आइतबार एउटा सानाे विमान दुर्घटनामा परेकाे छ । उक्त विमान दुर्घटनामा १६ जनाकाे मृत्यु भएकाे र अन्य सात जना घाइते भएकाे अन्तर्राष्ट्रिय सञ्चारमाध्यमले जनाएका छन् ।

विमानमा २१ प्यारासुट ड्राइभरसहित २३ जना सवार थिए । समाचारमा जनाइए अनुसार मृत्यु हुने १६ जनामध्ये २ जना पाइलट पनि रहेका छन् । घाइते ७ जनाकाे पनि अवस्था चिन्ताजनक रहेकाे बताइएकाे छ । 

विमान उड्नेवित्तिकै दुर्घटनामा परेकाे प्रत्यक्षदर्शीहरुले बताएका छन् । विमान पुरानाे भएका कारण दुर्घटनामा परेकाे बताइएकाे छ । एल–४१० माेडलकाे याे सानाे विमान लाेकल एयराेप्लेनसँग सम्बन्धित रहेकाे थियाे ।