बुटवल । रुपन्देही प्रशासनले बुटवलको मोतिपुरमा लगाएको कर्फ्यू मंगलबार राति १२ बजेदेखि हटाउने भएको छ ।
रुपन्देहीका प्रमुख जिल्ला अधिकारी ऋषिराम तिवारीले सूचना जारी गर्दै अस्ति आइतबारदेखि लगाइएको कर्फ्यू मंगलबार राति १२ बजेपछि हटाइने बताएका छन् ।
बुटवल उप-महानगरपालिका वडा नम्बर १७ र १८ मा निर्माणाधिन मोतिपुर औद्योगिक क्षेत्रमा सुकुम्बासीका नाममा टहरा बनाउने समूह र प्रहरीबीच शनिबार झडप हुँँदा प्रहरीको गोली लागेर चार जना सर्वसाधारणको मृत्यु भएपछि कर्फ्यू लगाइएको थियो ।
कर्फ्यू हटाएपनि बुधबार देखि निशेधाज्ञा भने यथावत रहने सूचनामा उल्लेख छ ।