काठमाडौँ । नेकपा (माओवादी केन्द्र)का नेता लेखनाथ न्यौपानेले कार्यकर्तासँग भेट र अध्ययन गरेर दसैँ मनाउने बताएका छन्।
‘व्यक्तिगत हिसाबले खास म दसैँ मान्दिनँ । यसो भन्दा धर्मान्तरको कुरा आउँछ । क्रिस्चियन भएर नमानेको होइन’, न्यौपाने भन्छन् ‘अब चाडपर्वको फुर्सद बिदामा कार्यकर्ता भेट्ने, अध्ययन गर्ने काम हुन्छ ।’
उनले सबै धर्मको सम्मान गर्ने भए पनि दसैँमा टीका नलगाउने बताए ।
‘सबै धर्मप्रति सम्मान गर्ने तर कुनै धर्म नमान्ने मान्छे परे । धर्मसँग जोडिएका चाडपर्वसँग म खास संलग्न हुन्न । टीका पनि लगाउँदिन’, उनले भने, ‘तर बहुसंख्यक हिन्दु धर्म मान्ने भएकाले यस्ता चाडपर्वले हामीलाई पनि प्रभाव पारिहाल्छ । त्यसलाई फेरि नकार्न सकिँदैन ।’