काठमाडौं । पछिल्लो २४ घण्टामा थप ५ सय ९१ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ७ हजार ६ सय ५४ जनाकाे पीसीआर र २ हजार ४३ जनाकाे एन्टीजेन गरी ९ हजार ६९७ नमुना परीक्षण गर्दा उक्त संख्यामा संक्रमण पुष्टि भएको हो ।
मन्त्रालयका अनुसार पछिल्लो २४ घण्टामा ९ जनाको कोरोना संक्रमणबाट मृत्यु भएको छ । यही अवधिमा ९३७ जना संक्रमणमुक्त भएका छन् ।
हाल देशभर सक्रिय संक्रमितको संख्या ११ हजार ८७४ जना रहेकाे मन्त्रालयकाे तथ्यांक छ ।