काठमाडौं । पछिल्लो २४ घन्टामा देशभर ३ सय ३२ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार आज ७ हजार ५ सय ९० जनाको पीसीआर परीक्षण गर्दा ३ सय ५ जना र २ हजार ३ सय ३० जनाको एन्टीजेन परीक्षण गर्दा २७ जना गरी ३ सय ३२ जनामा संक्रमण पुष्टि भएको हो ।
मन्त्रालयका अनुसार आज ४ जना संक्रमितको मृत्यु भएको छ भने २३२ जना निको भएका छन् । हाल देशभर ७ हजार ३ सय ६९ जना सक्रिय संक्रमित रहेका छन् ।
स्वास्थ्य मन्त्रालयले नेपालमा कोरोना सङ्क्रमणमुक्त हुने दर ९७.७ प्रतिशत रहेको जनाएको छ ।