घरेलु मैदानमा लिभरपुललले साउथह्याप्टनलाई ४–० ले पराजित गर्यो । लिभरपुरको जितमा डियगो जोटोले दुई तथा थिअगो अल्कान्तराले र भर्जिल भान डाईकले एक एक गोल गरे ।

अर्को खेलमा स्टेफिन जेरार्डको प्रशिक्षणमा रहेको एस्टन भिल्लाले लगातार दोस्रो जित हात पार्ने क्रममा क्रिस्टल प्यालेसलाई २–१ ले हरायो । अन्य खेलमा न्युक्साललाई आर्सनलले २–० ले पराजित गर्दा नर्विच र उल्भ्सले गोलरहित बराबरी खेले ।

जितसँगै लिभरपुल १३ खेलबाट २८ अंक सहित दोस्रो स्थानमा छ । आर्सनल २३ अंक सहित पाँचौं स्थानमा रहँदा एस्टन भिल्ला १६ अंक सहित ११ औं स्थानमा छ ।