प्रचण्ड, माधव र बाबुरामसंग जनआक्रोश बढ्दो छ – सुर्य थापा

सुनौलो नेपाल
आइतबार, ११ बैशाख २०७९

5.1K

काठमाडौं, ११ वैशाख । नेकपा एमालेका नेता सूर्य थापाले जनताको आक्रोश सबै नेताहरुप्रति नभएर पुष्पकमल दाहाल प्रचण्ड, माधवकुमार नेपाल, बाबुराम भट्टराईजस्ता नेताहरुप्रति भएको बताएका छन् ।

“केही नेताहरुमा इमान, जमान र निष्ठा नभएकाले जनतामा निराशा छाएको हो । अहिलेको जनआक्रोश सबै नेताहरुप्रति होइन पुष्पमकमल दाहालजस्ता रगतको होली खेलेर आएका नेता, १५ वर्ष पार्टी चलाएर ५ वर्ष बाहिर बस्न नसक्ने माधवकुमार नेपाल, बाबुराम भट्टराईजस्ता कार्यकर्तालाई मृत्युको बलिवेदीमा चढाएर दसवटा घाट चहारेर पानी खाँदै हिँडेका छन्। उनले भने। ”

उनले लोकतन्त्रका चर्का कुरा नेताहरुले जनतालाई नभएर श्रीमती, छोरी, ज्वाइँ, भाइ, सम्धि हेर्न थालेकाले समस्या आएको आरोप पनि लगाए । थापाले थपे, “लोकतन्त्रमा सबै नेता त्यस्ता छैनन् । ती अपवाद हुन् । यही हो अन्तिम मौका भनेर अवसरको दुरुपयोग गर्ने, खेलको नियम उल्लंघन गर्ने, लोकतन्त्रको मान्यता आत्मसात् नगर्ने नेताहरुलाई जनतालाई दण्डित गर्ने बेला आयो ।”

उनले एमालेमा आकांक्षी उम्मेदवार धेरै भए पनि हानथाप नभएको दाबी गरे ।