काठमाडौं । नेकपा एमालेका प्रमुख सचेतक विशाल भट्टराईले अर्थमन्त्री जनार्दन शर्माले देशप्रति गद्दारी गरेको बताएका छन् ।

सुनौलो नेपालसँगको कुराकानीमा प्रमुख सचेतक भट्टराईले विश्वमै कहि पनि नभएको अनैतिक कार्य नेपालका अर्थमन्त्रीले गरेको बताएका हुन् । अहिलेसम्म पनि अर्थमन्त्रीको राजीनामा नआउनुले उनलाई सत्तारुढ दलहरुले संरक्षण गरेर राखेको बताए ।

‘देशप्रति यति गद्दारी भाको छ । यति अनैतिक काम विश्वभरि कहि पनि भाको छैन तर यो अनैतिक कामलाई प्रधानमन्त्री शेरबहादुर देउवा र प्रचण्डले संरक्षण गर्नुभाकोछ ।’ उनले भने ।
उनले अर्थमन्त्रीले राजीनामा दिएर मात्रै नपुग्ने भन्दै हत्कडी लगाएर जेल लानुपर्ने सम्मको अपराध गरेको बताए ।

अर्थमन्त्रालयले ३ महिनासम्म राख्नुपर्ने सिसिटिभी फुटेज १३ दिनमै डिलिट गर्नुले पनि अर्थमन्त्रालयमा बाहिरी मान्छे आएको पुष्टि गरेको बताउँदै उनले भने ‘उहाँहरु सिसिटिभी फुटेज देखाउन पनि चाहानुहुन्न र १३ दिनमै सिसिटिभी फुटेज डिलिट गर्नुले मन्त्रालयमा बाहिरी मान्छे आएर करको दर हेरफेर गरेको कुरा पुष्टि पनि हुन्छ ।’

पुरा भिडिओ हेर्नका लागि यहाँ क्लिक गर्नुहोस् :