सुनौलो नेपाल
एजेन्सी । आज बिहान ताइवानमा गएको ७ दमलब ४ म्याग्निच्युडको शक्तिशाली भूकम्पमा परेर हालसम्म एक जनाको मृत्यु भएको ताइवानको नेसनल फायर एजेन्सी (एनएफए) ले जानकारी दिएको छ ।
एनएफएका अनुसार हुवालेन काउन्टीमा हाइकिङमा गएका ती व्यक्ति मृत फेला परेका हुन् । अधिकारीहरुले अझै पनि क्षतिको विवरण संकलन गर्ने प्रयास गरिरहेको जनाएका छन् ।
यता ताइवानको सेन्ट्रल इमर्जेन्सी कमान्ड सेन्टर (सीईओसी)ले भूकम्पमा कम्तीमा २६ वटा भवन ढलेको बताएको छ । यसमध्ये ७ वटा भवनमा मानिसहरू फसेको रिपोर्ट प्राप्त भएको सीईओसीको भनाई छ । यसमध्ये भूकम्पको केन्द्रबिन्दु नजिक रहेको हुवालेन काउन्टीमा १५ वटा भवनमा क्षति पुगेको छ ।
भूकम्पले त्यहाँको विद्युत् सेवा अवरुद्ध भएको छ । ९१ हजार परिवार विद्युत्विहीन बनेको सीईओसीले जनाएको छ । यता पूर्वी ताइवानमा रेल सेवा पनि रद्द गरिएको छ । आज नै त्यसलाई सुचारु गरिने सेन्टरले जानकारी दिएको छ ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
