सुनौलो नेपाल
गुल्मी । दुई करोड ४३ लाख ८८ हजार रुपैयाँ लागतमा मुसिकोट नगरपालिकामा खानेपानी आयोजना सम्पन्न भएको छ । लिफ्ट प्रविधिमार्फत खोलाको पानी गाउँ पुर्याइएको हो ।
पूर्वाधार साझेदारी विकास कार्यक्रमअन्तर्गत ६५ लाख, खानेपानी तथा सरसफाइ कार्यालय गुल्मीको ९७ लाख ४८ हजार, नेपाल विद्युत् प्राधिकरणमार्फत ४३ लाख ९० हजारका विद्युतीय सामग्री एवं स्थानीय जनश्रमदान ३७ लाख ५० हजार गरी कूल दुई करोड ४३ लाख ८८ हजार रुपैयाँ लागतमा उक्त आयोजना सम्पन्न भएको हो ।
‘एक घर एक धारा’ खानेपानी योजनामार्फत त्यहाँका एक सय २३ घरमा खानेपानी पुगेको भगलामगैरा दजाकोट लिफ्ट खानेपानी उपभोक्ता समूहका सचिव दिलबहादुर सोनारीले जानकारी दिए ।
गाउँमा खानेपानी नहुँदा स्थानीयहरुले विगतमा छल्दिखोला र ओलाङ्दीसम्म पुगेर पानीको जोहो गर्नुपर्ने अवस्था थियो । पुस्तौँदेखि खानेपानीको समस्या झेल्दै आएका दजाकोटमा लिफ्ट प्रविधिमार्फत खानेपानी पुगेपछि अब पानीको समस्या टरेको स्थानीय हरि छन्त्यालले बताए ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
