जनकपुरधाम । सिरहामा बाबु–छोराको हत्या भएको छ । अर्नमा गाउँपालिका–१, महनौरका ६० वर्षीय चन्देश्वर पाल र उनका १९ वर्षीय छोरा सन्तकुमारको हत्या गरिएको हो ।

दुवैजनाको शनिबार राति हत्या भएको सिरहाका प्रहरी उपरीक्षक सुवास ढकालले जानकारी दिए । उनका अनुसार धारिलो हतियार प्रहार गरी हत्या गरिएको छ । घटनामा संलग्नको पहिचान भएको छैन ।

दुवैजनाको शव पोस्टमार्टमका लागि पठाइएको छ । प्रहरीले घटनाको अनुसन्धान गरिरहेको जनाएको छ ।