काठमाडौं । काठमाडौं महानगरले बागमती वरपरका सुकुम्बासी बस्ती हटाउने भएको छ । महानगर मातहतको सभ्यता एकीकृत विकास समितिले बागमती नदी करिडोरको सुकुम्बासी बस्ती हटाउन छलफल थालेको छ । महानगरका एक अधिकारीका अनुसार समितिले करिडोरमा अव्यवस्थित बसोबास भएपनि समितिले हटाउन नसकेको भन्दै महानगरमार्फत करिडोर खाली गर्न आग्रह गरेको छ हो ।

‘समितिका पदाधिकारीहरुले महानगरसँग एक चरणको छलफल गरिसकेको छ । थापाथलीको सुकुम्बासी बस्तीसहित अन्य स्थानहरुमा रहेको बस्ती हटाउने तयारी छ । अब छिट्टै बैठक बसेर पूर्व सूचना दिँदै महानगरले बागमती नदी करिडोरमा रहेको बस्ती हटाउँछ’, महानगरका एक अधिकारीले भने, ‘सोहिअनुसार तयारी पनि महानगरले गरेको छ।’