काठमाडौं । करिव २ सय १८ केजी गाँजासहित सशस्त्र प्रहरीले एउटा पिकअप गाडी नियनत्रणमा लिएको छ । सुनसरीको कोशी गाउँपालिका ३ स्थित पूर्वपश्चिम लोकमार्गको नहर चोकबाट उक्त पिकअप गाडी नियन्त्रणमा लिएको हो ।

धनकुटाबाट जनकपुरतर्फ जाँदै गरेको को १ च ८५२५ नम्बरको पिकअप गाडीलाई विशेष सूचनाको आधारमा जाँच गर्दा तरकारीभित्र आठ वटा बोरामा लुकाई राखेको गाँजा फेला पारेको हो ।

बरामद गाँजा तथा गाडी आवश्यक कारवाहीको लागि जिल्ला प्रहरी कार्यालय सुनसरीमा बुझाईएको छ ।