काठमाडौं– नेकपा एमालेका अध्यक्ष केपी शर्मा ओलीले माधव नेपाल नेतृत्वको नेकपा एकीकृत समाजवादीको समानुपातिक मत ‘अस्वभाविक बढेको’ सङ्केत गरेका छन् ।

शनिबार साँझ फेसबुकमार्फत ओलीले पछिल्लो समयमा केही पार्टीको मत वृद्धि अस्वाभाविक देखिएको बताए । ‘एउटा पार्टीलाई आएको केही मत ३ प्रतिशत नकट्ने गठबन्धनमा रहेको अर्को पार्टीमा जोड्ने जस्ता ग़लत कार्य पनि हुनसक्छ। जिल्ला जिल्लामा मतगणनामा रहनु भएका साथीहरू चनाखो रहनुहोस्,’ ओलीको भनाइ छ, ‘मतगणनामा प्रतिनिधि रहनु भएका साथीहरूलाई म त्यहाँको मत परिणामको मुचुल्काको प्रति मेरो फेसबुकको म्यासेज बक्समा पठाउनु हुन अनुरोध गर्दछु ।’

करिव ८० हजार मत रहेको नेकपा एकीकृतको समाजवादी शनिबार एकाएक वृद्धि भएर दुई लाख नजिक पुगेको छ ।