काठमाडौं । जनमत पार्टीका अध्यक्ष सिके राउतले आफुहरुले उद्योग मन्त्रालय पाए मात्रै सरकारमा सहभागि हुने बताए । फरक प्रसंगमा संसद बैठकपछि सञ्चारकर्मीहरुको जिज्ञासाको जवाफ दिँदै जनमत पार्टीका अध्यक्ष सिके राउतले आफुहरुले उद्योग मन्त्रालय पाए मात्रै सरकारमा सहभागि हुने बताएका हुन् ।
उनले आफुहरु सरकारमा काम गर्न जाने भन्दै सो मन्त्रालयबाट मात्रै आफूहरुको एजेण्डा कार्यान्वयन गर्न सहज हुने बताए ।
उनले भने– ‘सहमति अनुसार मन्त्रालय हुनुपर्छ । उद्योग मन्त्रालय पायो भने हाम्रो एजेण्डा कार्यान्वयन गर्न सहज हुन्छ । हामी काम गर्नका लागि जाने हो । हामीलाई उद्योग मन्त्रालय दिने औपचारिक जानकारी छैन । हामी आशा गर्छौं कि अर्को मन्त्रिपरिषद् बैठकबाट यो कुरा टुंगिन्छ ।’
उनले आगामी मन्त्रिपरिषद् बैठकबाट सो विषय टुंगोमा पुग्नेमा विश्वास व्यक्त गरे ।