काठमाडौं । क्रिकेटर सन्दीप लामिछानेलाई राष्ट्रिय क्रिकेट टोलीको बन्द प्रशिक्षणमा बोलाइएको छ । बलात्कार आरोप लागेका सन्दीपलाई निलम्बन फुकुवा गरेसँगै नेपाल क्रिकेट संघ (क्यान)ले बन्द प्रशिक्षणमा बोलाएको हो ।

उच्च अदालत पाटनको आदेशमा दुई साता अघि विभिन्न शर्तसहित २० लाख रुपैयाँ धरौटी बुझाएर थुनामुक्त भएका पूर्वकप्तान सन्दीपलाई हालै बसेको क्यानको बैठकले निलम्बन फुकुवा गरेको थियो ।

सन्दीप आज नै केहीबेर मैदानमा अभ्यास गरेर फर्किएका थिए । नेपालले आगामी फेब्रुअरी १४ बाट टियु क्रिकेट मैदानमा आयोजना हुने नामिबिया र स्कटल्याण्डसँगको त्रिदेशीय एकदिवसीय सिरिज खेल्दैछ ।