काठमाडौं । सुनचाँदी बजारमा आज छापावाल सुनको मूल्य  एक लाख नौ हजार तोकिएको छ । अघिल्लो दिन प्रतितोला एक लाख नौ हजार दुई सयमा कारोबार भएको सुन आज प्रतितोला दुई सयले घटेको हो ।

नेपाल सुनचाँदी व्यवसायी महासङ्घले सार्वजनिक गरेको विवरणअनुसार आज तेजाबी सुनको मूल्य प्रतितोला एक लाख आठ हजार पाँच सय छ । यसको मूल्य अघिल्लो दिन एक लाख आठ हजार सात सय थियो । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला १० ले घटेर एक हजार तीन सय ६० मा आएको महासङ्घले जनाएको छ ।

महासङ्घले अन्तर्राष्ट्रिय बजारमा हुने सुन तथा चाँदीको कारोबार मूल्यका आधारमा यहाँ दैनिक सुन तथा चाँदीका मूल्य तोक्दै आएको छ ।