काठमाडौं । काठमाडौंको बालाजुस्थित बाइसधारामा मेला लागेको छ । बाइसधारामा मेला चैत शुक्ल पूर्णिमामा लाग्ने गर्दछ । यस दिनदेखि वैशाख स्नान प्रारम्भ हुन्छ ।

चैत शुक्ल पूर्णिमामा बालाजुको बाइसधारामा स्नान गर्न हिन्दू तथा बौद्ध धर्माबलम्बीहरु जाने गरेका छन् ।

बालाजुको बाइसधारामा स्नान गरे मुक्तिनाथ तथा गोसाइँकुण्डमा स्नान गरे बराबरको पुण्य प्राप्त हुने धार्मिक विश्वास छ । साथै लुतो, खटिरा जस्ता रोग हराउने जनविश्वास पनि छ ।

यही विश्वासका साथ आज बिहानैदेखि बालबालिकादेखि वृद्धवृद्धासम्म बालाजु बाइसधारामा स्नान गर्न पुगेका छन् ।