डढेलोको संकटमा देश रहँदा बिदा मनाउन अमेरिका गएका अस्ट्रेलियाका प्रधानमन्त्रीले मागे माफी

सुनौलो नेपाल
आइतबार, ६ पुष २०७६

देशमा डढेलोले विकराल रुप लिइरहेका बेला बिदा मनाउन अमेरिकाको हवाई गएको भन्दै तीव्र आलोचनाको सामना गरेका अस्ट्रेलियाका प्रधानमन्त्री स्कट मोरिसनले माफी मागेका छन् ।

आलोचना बढ्दै गएपछि प्रधानमन्त्री मोरिसन हवाई यात्रा छोट्याएर स्वदेश फर्किएका छन् । उनले स्वदेश फर्किएर देश संकटमा रहेका बेला बिदा मनाउन गएकोमा माफी मागेका हुन् । अहिले अस्ट्रेलियाका तीन राज्यमा डढेलोले उग्र रुप लिएको छ । शनिबार एक व्यक्ति मृत फेला परेका थिए।

अस्ट्रेलियामा गएको सेप्टेम्बरदेखि जंगली क्षेत्रमा आगलागी हुँदै आएको छ । अहिलेसम्म कम्तिमा ९ जनाको मृत्यु भएको छ । दशौँ लाख हेक्टरमा फैलिएको आगलागीका कारण ७०० भन्दा बढी घर ध्वस्त भएका छन् सेप्टेम्बर यता प्रधानमन्त्री मोरिसनले माफी माग्दै भनेका छन्, ‘आफूहरु गम्भीर तनावमा रहेका बेला म भने परिवारसँग हवाईमा बिदा मनाएको कुराले नागरिकहरु निराश भएको थाहा पाएँ र यसलाई बुझेको पनि छु ।’

ताजा अपडेट

लोकप्रिय

डढेलोको संकटमा देश रहँदा बिदा मनाउन अमेरिका गएका अस्ट्रेलियाका प्रधानमन्त्रीले मागे माफी