इराक र सिरियामा अमेरिकी सेनाको आक्रमण, २५ लडाकु मारिए

सुनौलो नेपाल
सोमबार, १४ पुष २०७६

पौष १४ काठमाडौं अमेरिकी सेनाले इराक र सिरियामा हिज्बुल्लाह सशस्त्र समूह विरुद्ध आक्रमण गर्दा २५ जनाको ज्यान गएको छ। आफ्नो देशका एक ठेकेदार मारिएपछि अमेरिकी सेनाले इराक र सिरियास्थित लडाकु शिविरमा आक्रमण गरेको हो।

कताइब हिज्बुल्लाहले नियन्त्रणमा लिएका क्षेत्र र उनीहरूले हातहतियार भण्डारण गर्ने स्थानलाई निसाना बनाएर आक्रमण गरिएको अमेरिकाले पुष्टि गरेको छ

इराकी सैन्य क्षेत्रमा भएको सो आक्रमणमा कम्तिमा ५५ जना घाइते समेत भएको इराकी सैन्य सुरक्षा स्रोतले जनाएको छ। मारिने लडाकुमध्ये कम्तिमा ४ जना कमाण्डरसमेत रहेको अन्तर्राष्ट्रिय सञ्चार माध्यमले जनाएका छन्।

इरानको समर्थन रहेको शिया मुस्लिमहरूको मिलिसिया समूह कताइब हिज्बुल्लाह सन् २००७ मा गठन भएको हो। अमेरिकाले हिज्बुल्लाहलाई आतङ्कवादी सङ्गठन मानेको छ।