भारतको नयाँदिल्लीस्थित जवाहरलाल नेहरु विश्वविद्यालय (जेएनयू)मा नकाबधारी समूहले आक्रमणबाट गर्दा जेएनयू छात्र संघका अध्यक्ष आईसी घोषसहित १८ विद्यार्थी घाइते भएका छन् ।

आइतबार राति भएको सो घटनामा मुखमा मास्क लगाएका ५० जनाभन्दा बढी आक्रमणकारी हातमा फलामे डण्डी र लठ्ठी लिएर प्रवेश गरेको र जथाभावी आक्रमण गरेको प्रत्यक्षदर्शीको भनाइ छ ।

आक्रमणको घटनापछि प्रहरीले विश्वविद्यालय र छात्रबासलाई कडा सुरक्षा घेरामा राखेको छ । जेएनयूको मुख्य गेटमा सयौं प्रहरी तैनाथ गरिएको छ ।
नकावधारी आक्रमणको विरोधमा विद्यार्थीहरुले विश्वविद्यालय गेट बाहिर र दिल्ली प्रहरी मुख्यालय बाहिर विरोध प्रदर्शन गरेका छन् ।

गृहमन्त्री अमित शाहले घटनाको अनुसन्धान गरी आवश्यक कदम चाल्न निर्देशन दिएका छन् । विश्वविद्यालय प्रशासनले १ जनवरीदेखि विश्वविद्यालयमा शीतकालीन सत्र सुरु भएकोमा विद्यार्थीहरुले रजिष्ट्रेशनको समर्थन र विरोध गरेका थिए । यही विषयलाई लिएर ५ जनवरीको दिन विद्यार्थीहरुबीच झडपसमेत भएको थियो । ।