जङ्गलमा लुकेर तास खेलिरहेका पाँच जना लाखौँ नगद, कार, मोटरसाइकल, स्कुटरसहित पक्राउ

सुनौलो नेपाल
बिहिबार, २ माघ २०७६

माघ २ काठमाडौं- काभ्रेको बनेपा नगरपालिका–९ मगरगाउँमाथिको जङ्गलमा तास खेलिरहेको अवस्थामा नगद र सवारी साधनसहित पाँच जनालाई प्रहरीले नियन्त्रणमा लिएको छ ।

जङ्गलमा गएर लुकेर तास खेलिरहेको अवस्थामा बुधबार बेलुका पाँच जनालाई नियन्त्रणमा लिनुका साथै नगद रु एक लाख ६२ हजार २०, चार स्कुटर, ११ मोटरसाइकल, एउटा कार र ११ बुक तास बरामद गरिएको इलाका प्रहरी कार्यालय बनेपाका प्रमुख प्रहरी निरीक्षक योगेन्द्र तिमिल्सिनाले जानकारी दिए ।

उनले फरार रहेका १५ जनाको खोजीकार्य जारी रहेको र दुई वटा चेकबुकसमेत बरामद भएको जानकारी दिनुभयो । पक्राउ परेकाहरुलाई तास, जुवा ऐनअन्तर्गत कारवाही हुने प्रहरीले जनाएको छ ।

ताजा अपडेट

लोकप्रिय

जङ्गलमा लुकेर तास खेलिरहेका पाँच जना लाखौँ नगद, कार, मोटरसाइकल, स्कुटरसहित पक्राउ