एजेन्सी । शाहरुख खानको चलचित्र ‘जवान’ यति बेला चर्चामा आएको छ । फिल्म ‘पठान’ पछि यो वर्ष प्रदर्शनमा आउन लागेको शाहरुखको यो दोस्रो फिल्म हो ।

साउथका हिट निर्देशक एट्लीले निर्देशन गरेको फिल्ममा नयनतारा, विजय सेतुपति, प्रियमणी, सान्या मल्होत्रा, योगी बाबु लगायतका कलाकारले मूख्य अभिनय गरेका छन् । चलचित्रको प्रिभ्यु र ट्रेलरले परिचर्चा पाएको छ । यस्तो अवस्थामा सेप्टेम्बर ७ शाहरुखका लागि निकै विशेष हुने विश्वास गरिएको छ ।

फिल्मले ओपनिङ डेमै बम्पर आर्जन गर्न सक्छ । शाहरुखको फरक अवतारलाई फ्यानहरूले रुचाइरहेका छन् । फिल्मको स्टारकास्ट पनि निकै प्रभावशाली छ । यस्तो अवस्थामा शाहरुखको ‘जवान’ उनको फिल्म ‘पठान’ भन्दा एक कदम अगाडि बढ्ने विश्वास लिइएको छ ।

ओपनिङ डे कलेक्सन १०० करोडभन्दा माथि जाने चर्चा छ । योसँगै रिलिजको पहिलो सातामै फिल्मले नयाँ कीर्तिमान बनाउने दाबी पनि भइरहेको छ । यी सबै बीचमा साउथका ठुला कलाकारहरू पनि शाहरुखसँग प्रतिस्पर्धाको लाइनमा रहेका छन् ।

महिनाको अन्त्यमा २८ सेप्टेम्बरमा प्रभास आफ्नो फिल्म ‘सालार’ मार्फत दर्शकमाझ प्रदर्शनमा आउने छ । यस कारण शाहरुखको फिल्म ‘जवान’ले कमाई गर्न २१ दिन मात्रै पाउनेछ ।