आशा खरेल, माघ १६ चितवन श्रीपञ्चमिकाे अवसर पारेर भरतपुर ११ स्थित नहरचोकमा रहेको लिटिल डाईमण्ड प्री स्कुल मन्टेश्वरीले आजदेखी नयाँ ब्यबस्थापनकासाथ बालबालिकाहरुलाई अक्षर आरम्भ गराएको छ ।

आज सो मन्टेश्वरीमा ३० जना बालबालिकाहरुले सरस्वती माताको पुजाआजा गरि अबदेखी सोही मन्टेश्वरीमा आफ्नो पढाईलाई निरन्तरता दिने भएका छन । उक्त मन्टेश्वरीकि प्रिन्सिपल श्रेयसा देवकोटाले बालबालिकाहरुलाई मनोरञ्जन दिई हरेक कुरामा साथ र सहयोग गर्ने प्रतिबद्धता व्यक्त गर्नु भयो ।

बालबालिकालाई पढाई मात्र नभई खेलकुद नाचगान अतिरिक्त क्रियाकलापमा समेत टेवा पुग्ने हिसाबले पढाई संचालन गर्न लागेको जानकारी दिनु भयो । घरमा रेखदेख गर्न समय नपुग्ने अभिभावकका सन्तानलाई राम्रोसँग हेरबिचार गरि बालबालिकहरुलाई आफ्नै घरमा बसि पढेको अनुभुती हुने उहाँले बताउनु भयो । उक्त मन्टेशवरीमा बालबालिकाहरुले गुणस्तरिय शिक्षा पाउनुकासाथै स्वस्छ, शान्त वातावरणमा अध्ययन गर्न पाउनेछन ।

सो मन्टेश्वरीमा बालबालिकाहरुका लागि सफा, शुद्ध भोजनालयको पनि ब्यबस्था रहेको छ । हरेक दिन फरक फरक खाजा खानाको स्वादमा बालबालिकाहरु रमाउन पाउनेछन । बालबालिकाहरुलाई स्वस्थ रहनका लागि प्रत्येक दिन योगा, खेलकुद, नाचगान, प्रस्न उत्तर कार्यक्रम, राम्रो सँस्कार सिकाईने, चित्रकला र हस्तकला जस्ता विषयमा बढी जोड दिने बताउनु भयो । सो मन्टेश्वरीमा तालीम प्राप्त ४ जना शिक्षिकाले अध्यापन गराउनु हुनेछ । आजको कार्यक्रममा कार्यक्रम संचालिका बिमला गुरुङ, लेखा शाखा प्रमुख सर्मिला बस्याल, सल्लाहकार सन्जु गुरुङ लगायतको उपस्थित रहेको थियो ।