सुनौलो नेपाल
दाङ । दाङमा ट्रक दुर्घटना हुँदा दुई घाइते भएका छन् ।
आज (शनिवार) दिउँसो १२ बजेतिर लमही–घोराही सडक खण्डको चौपट्टा आसपास ना ४ ख ८४८७ नम्बरको ट्रक दुर्घटना हुँदा ट्रकमा सवार दुई यात्रु घाइते भएका हुन् ।
लमही नगरपालिका– २ बस्ने १८ बर्षीया रबिना चौधरी र सोही ठाउँकी १६ वर्षकी करुणा चौधरी घाइते भएका जिल्ला प्रहरी कार्यालय दाङले जनाएको छ ।
घोराहीतर्फ आउदै गरेको ट्रकको घोराही उपमहानगरपालिका–३ भैंसी बगाउने खोला नजिकै उकालोमा टायर पन्चर भएको थियो । टायर पन्चर भएको थाहा पाएर रोक्ने क्रममै ब्रेक फेल हुँदा ट्रक सडकबाट खोलामा खसेको बताइएको छ ।
घटनाका दौरानमा ट्रकका चालक र सहचालक हामफालेका थिए भने ट्रकमा सवार रहेका किशोरीहरु घाइते भएको जिल्ला प्रहरी कार्यालय दाङले पुष्टि गरेको छ ।
घाइते दुवैको राप्ती स्वास्थ्य विज्ञान प्रतिष्ठानमा उपचार भइरहेको प्रहरीले जनाएको छ ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
