सुनौलो नेपाल
काठमाडौँ । एसिया कप क्रिकेट प्रतियोगिताको उपाधिका लागि भारत र श्रीलङ्काबीच भिडन्त हुने भएको छ ।
‘सुपर फोर’ चरणको खेलमा श्रीलङ्काले बिहीबार राति पाकिस्तानलाई दुई विकेटले पराजित गरेसँगै फाइनल खेलमा भारत र श्रीलङ्काबीच भिडन्त हुन लागेकाे हाे ।
निर्णायक खेलमा जित हात पारेसँगै श्रीलङ्का प्रतियोगिताको फाइनलमा पुग्न सफल भएकाे हाे । श्रीलङ्काले अन्तिम ओभरको अन्तिम बलमा जित हात पारेको हो । भारत यसअघि नै एसिया कपको फाइनलमा पुगिसकेको छ । प्रतियोगिताको फाइनल खेल भने आगामी आइतबार श्रीलङ्काको कोलम्बोमा खेलिने छ ।
वर्षाका कारण पाकिस्तान र श्रीलङ्काकाकाे खेल ४२—४२ ओभरमा घटाइएको थियो । पाकिस्तानले टस जिती पहिले ब्याटिङ गर्दै निर्धारित ४२ ओभरमा सात विकेट गुमाएर दुई सय ५२ रन बनाएको थियो । जवाफी ब्याटिङमा ओर्लिएको श्रीलङ्काले निर्धारित ओभरमा आठ विकेट गुमाएर विजयलक्ष्य पूरा गरेको थियो ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज शर्मा
प्रबन्ध निर्देशक/प्रधान सम्पादक
