फागुन २० काठमाडौँ दुईबर्ष अघि गोलाप्रथा मार्फत चुनिएका १९ जना राष्ट्रिया सभाका सदस्यको कार्यकाल आजबाट सकिँदैछ । नेकपाबाट युवराज खतिवडा राजकुमार कुँवर, कमलाकुमारी ओली, कालिबहादुर मल्ल र खेमराज नेपाली,हरिचरण शिवाकोटी, बलराम बास्कोटा, मीना बुढा, युटोल तामाङ लगाएतका नेताको पदाबदि सकिँदैछ भने बिपक्षी नेपाली काँग्रेसका बद्री पाण्डे, मुक्ताकुमारी यादव र धनकुमारी खतिवडा, सुरेन्द्रराज पाण्डे, सचेतक सरिता प्रसाईसहित विन्दादेवी आले ,दुर्गाप्रसाद उपाध्यायको रहेका छन्। नेपाली काँग्रेसका दुर्गाप्रसाद उपाध्यायको भने केहि हप्ता अघि निधन भईसकेको छ ।

यसैगरी राजपाका वृशेषचन्द्र लाल र रमेशप्रसाद यादव तथा समाजवादीका रामप्रित पासवानको पनि २ वर्षे कार्यकाल सकिँदैछ ।राष्ट्रियसभा सदस्यहरुको कार्यकाल गोलाप्रथाबाट निश्चित गरिएको थियो । ५९ सदस्यीय राष्ट्रियसभामा कांग्रेसले १३ सिट पाएको थियो । त्यसमा चिठ्ठा तान्दा ७ जना कांग्रेस सांसद दुईवर्षे कार्यकालमा परेका थिए ।१८ जना सांसदको दुई वर्षे कार्यकाल सकिएर राष्ट्रियसभा सदस्य पद रिक्त हुनुअघि नै गत माघ ९ गते सातवटै प्रदेशमा चुनाव भएको थियो । जसमा नेकपाका १६ र राजपाका २ जना उम्मेदवार निर्वाचित भएका छन् । उनीहरुको सपथ ग्रहण मंगलबार हुँदैछ ।