राष्ट्रपति विद्यादेवी भण्डारीबाट २ सय ३३ जनाको कैद सजाय मिनाहा, ८ जनालाई माफी

सुनौलो नेपाल
बिहिबार, १५ जेष्ठ २०७७

काठमाडाैं : राष्ट्रपति विद्यादेवी भण्डारीबाट यस पटककाे गणतन्त्र दिवसको अवसरमा सरकारले २३३ जना कैदीको कैद सजाय मिनाहा भएको छ ।

नेपालको संविधानको धारा २७६ , फौजदारी कसुर (सजाय निर्धारण तथा कार्यान्वयन) ऐन, २०७४ तथा फौजदारी कसूर (कैद कट्टा) नियमावली, २०७६ बमोजिम मन्त्रिपरिषद्को सिफारिसमा रामबहादुर भन्ने रमेश विश्वकर्मासमेतका २ सय ३३ जना कैदीहरुको बाँकी कैद सजाय माफी मिनाहा गरिएकाे राष्ट्रपति कार्यालय, शीतल निवासले जनाएकाे छ ।

यसैगरी ८ जना व्यक्तिको सजाय माफी पनि गरिएको छ । संविधानको धारा २७६ र मुलुकी फौजदारी कार्यविधि संहिता, २०७४ को दफा १५९ बमोजिम मन्त्रिपरिषद्को सिफारिसमा कपिल देव साह कानूसमेतका ८ जनालाई विभिन्न अदालत, न्यायिक वा अर्धन्यायिक निकाय वा प्रशासकीय पदाधिकारी वा निकायबाट विभिन्न मितिमा भएका फैसलाबमोजिम लागेको कैद, दण्ड, जरिवाना, विगो, सर्वस्वलगायतको सजाय माफी भएको कार्यालयकाे शीतल निवासकाे सूचनामा उल्लेख छ ।

ताजा अपडेट

लोकप्रिय

राष्ट्रपति विद्यादेवी भण्डारीबाट २ सय ३३ जनाको कैद सजाय मिनाहा, ८ जनालाई माफी