आन्तरिक र अन्तर्राष्ट्रिय उडान असार २१ गतेसम्म रोक

सुनौलो नेपाल
सोमबार, १ असार २०७७

काठमाडौं, ३२ जेठ, : कोरोना महामारीलाई मध्यनजर गर्दै सरकारले अन्तर्राष्ट्रिय र आन्तरिक उडानलाई असार २१ गतेसम्मका लागि रोक लगाएको छ ।

संस्कृति पर्यटन तथा नागरिक उड्डयन मन्त्रालयका अनुसार यही जेठ २८ गते बसेको मन्त्रिपरिषद् बैठकले असार २१ गते राति ११ः५९ सम्मलाई रोक लगाएको हो ।

आइतबार नागरिक उड्डयन प्राधिकरणको हवाई यातायात महाशाखाले सूचना जारी गर्दै सरकारको निर्णयअनुसार, व्यावसायिक यात्रु उडानलाई असार २१ गते राति ११ः५९ बजेसम्मका लागि रोक लगाइएको जनाएको हो ।

व्यावसायिक उडानमा रोक लगाइए पनि सरकारले विशेष अनुमतिबाट उद्धार उडान गर्न-गराउन चार्टर उडान अनुमति भने दिँदै आएको छ ।

ताजा अपडेट

लोकप्रिय

आन्तरिक र अन्तर्राष्ट्रिय उडान असार २१ गतेसम्म रोक