भारी वर्षाका कारण नारायणगढ– मुग्लिन सडक पुनः पहिरो खस्यो, सडक अवरुद्ध

सुनौलो नेपाल
शुक्रबार, ५ असार २०७७

चितवन, असार ५ : नारायणगढ मुग्लिन सडकखण्डको कालीखोलामा पुनःपहिरो खसेपछि सडक अवरुद्ध भएको छ ।जिल्ला प्रहरी कार्यालय चितवनका अनुसार शुंक्रबार विहान ११ः२५ पहिरो खसेको हो । भारी वर्षाका कारण पहिरो खसेकाले तत्काल पहिलो पन्छाउन सम्भव नभएको प्रहरीले बताएको छ ।

पानी परिरहेकाले पहिरो पन्छाउन कठिन भएको प्रहरीले जानकारी दिएको छ । गएको बुधबार विहानैबाट गएको पहिरो पन्छाउन दिनभरी नै लागेको थियो । दुवैतर्फबाट लोडरले दिनभर लगाएर पहिरो पन्छाइएको भए पनि पुनः पहिरो खसेपछि सडक अवरुद्ध भएको हो ।

नारायणगढ मुग्लिन सडक आयोजनाका सूचना अधिकारी इञ्जिनीयर शिव खनालका अनुसार सो सडकमा पहिराले सडक ढाकेको छ ।सडक अवरुद्ध भएपछि दुबैतर्फ सवारी रोकिएका छन् ।

तत्काललाई सो सडकको विकल्प प्रयोग गर्न ट्राफिक प्रहरीले आग्रह गरेको छ । नारायणगढसम्म रोकिएका सवारी हेटौडा हुदै काठमाडौं लागेका छन् ।

ताजा अपडेट

लोकप्रिय

भारी वर्षाका कारण नारायणगढ– मुग्लिन सडक पुनः पहिरो खस्यो, सडक अवरुद्ध