कोरोनाको ‘हट स्पट’ बन्दै काठमाडौ, सतर्क रहन विज्ञको सुझाब

सुनौलो नेपाल
मंगलबार, २३ असार २०७७

काठमाडौं, २३ असार–काठमाडौँ उपत्यका कोरोना सङ्क्रमणको दृष्टिबाट अति उच्च जोखिममा परेको छ । सोमबार मात्र देशभरका कुल १८० जना सङ्क्रमितमध्ये ५४ जना काठमाडौँ उपत्यकाका रहेका छन् । तीमध्ये काठमाडौँका २४, ललितपुरका २० र भक्तपुरका १० जनामा कोरोना सङ्क्रमण देखिएको छ । काठमाडौँ उपत्यकामा कोरोना सङ्क्रमण पुष्टि भएको यो धेरै सङ्ख्या हो  ।

इपिडिमियोलोजी तथा रोग नियन्त्रण महाशाखाका प्रमुख डा. वासुदेव पाण्डेले काठमाडौँ उच्च जोखिममा पर्दै गएको बताउनुुभयो । उहाँका अनुसार चाँगुनारायण, हरिसिद्धि लगायतका क्षेत्रका मानिस सङ्क्रमित रहेको र सङ्क्रमितको विगत जानकारी पाउन नसक्दा उपत्यका जोखिममा बढ्दै गएको हो ।

लकडाउन खुकुलो बनेपछि उपत्यकामा जथाभाविरुपमा चहलपहल बढेको भन्दै उच्च सर्तकता अपनाउन जरुरी भएको विज्ञहरुले सुझाब दिएका छन् । कोरोना सकिएझै युवाहरु माक्स नलगाई सडकमा हिडिरहेका कारण काठमाडौमा उच्च कोरोनाको जोखिम रहेको विज्ञको भनाइ छ ।

ताजा अपडेट

लोकप्रिय

कोरोनाको ‘हट स्पट’ बन्दै काठमाडौ, सतर्क रहन विज्ञको सुझाब