नेपाल लाइफ इन्स्योरेन्स कम्पनीकाप्रमुख कार्यकारी अधिकृत (सिइओ) विवेक झा आजबाट बिदा  हुन् लाग्नुभएको  छ।

नेपाल लाइफमा  संचालक समितिसँग भएको सम्झौता बमोजिमको प्रथम कार्यकाल  करिब एक दशकको सेवा अवधि सम्पन्न गरी झा साउन १ गतेबाट विदा  हुन् लाग्नुभएको हो ।

कम्पनीको  २० वर्षे यात्रामा करिब एक दशक नेतृत्व गर्नुभएका झाको कार्यकालमा नेपाल लाइफ सबै सुचकाङ्कमा उत्कृष्ट बन्दै जीवन बीमाको क्षेत्रमा करिब एक तिहाइ बजार हिस्सा कायम राख्न सफल भयो नेपालकै विश्वसनीय र ठुलो कम्पन्नी बन्न सफल भएको छ ।

आफ्ना  सहकर्मी कर्मचारीहरुलाई मूल शक्ति मान्ने र अभिकर्ताहरुलाई प्रगतिको साझेदारको रुपमा सम्मान गर्नुहुने झाले अभिकर्ताहरुको लगनशीलता, बीमितहरुको विश्वास, कर्मचारीहरुको साथ, शेयर धनीहरुको अटुट विश्वास, संचालक समितिको मार्गनिर्देशन र नियमनकारी निकाय बीमा समितिको सहयोगले नै कम्पनीले यो उचाइ कायम गर्न सकेकाले अभिकर्ता, बीमित, कर्मचारी, शेयर धनी, संचालक समिति तथा बीमा समितिलाई धन्यवाद व्यक्त गर्दै आभार प्रकट गर्नु भयो ।

हालसम्म करिब २६ प्रतिशत नागरिकको पहुँच रहेको बीमा क्षेत्रले देशैभरीका कुना–कन्दरासम्म बीमाको सहज पहुँच पु¥याउन नेपाल लाइफले अझै विश्वासिलो ढंगले उत्कृष्ट सेवा निरन्तर पस्किदै जाने विश्वास व्यक्त गर्नुभयो । जसका लागि आवश्यकता अनुसार आफ्नो  तर्फबाट सदैव योगदान गर्न तत्पर रहेको सिइओ झाले बताउनु भयो ।

सिइओ झाले आगामी दिनमा कम्पनीले नयाँ उचाइ लिने विश्वासका साथ सफलताको शुभकामना व्यक्त गर्नुभयो ।साथै, संचालक समिति अध्यक्ष गोविन्दलाल संघईले सिइओ झाको सफल कार्यकालको उच्च मूल्याङ्कन गर्दै धन्यवादका साथै कृतज्ञता व्यक्त गर्नुभयो ।