भदौ २९ काठमाडौं, सत्तारुढ दल नेपाल कम्युनिस्ट पार्टी नेकपाका प्रबक्ता नारायण काजी श्रेष्ठले नेपाल विद्युत् प्राधिकरणको कार्यकारी निर्देशकमा कुलमान घिसिङको पुनर्नियुक्ति हुने बताएका छन्। सोमबार सामाजिक संजाल ट्वीटरमा लेख्दै श्रेष्ठले भनेका छन् ” कुलमान घिसिङको कार्यकाल हिजो सकिएको छ उनको कार्यकालमा नेपालले लोडसेडिङको समस्याबाट मुक्त भएका जनताले उनको कार्यकाललाई कहिल्यै भुल्ने छैनन” ।

बिद्युत प्राधिकरणका कार्यकारी निर्देशक कुलमान घिसिङको हिजोबाट पदावधि सकिएको छ। उनले उर्जाक्षेत्रमा जे जति योगदान पुर्याएका छन् , त्यो नेपाली जनताले कहिल्यै बिर्सने छैनन्।नेपाल आमाका सुयोग्य सुपुत्र घिसिङ्को योगदान अझै आबश्यक भएकाले उनको पुनर्नियुक्ति हुनेछ भन्नेमा बिस्वस्त छु ।

— NKShresthaPrakash (@nksthaprakash) September 14, 2020

चार वर्षे कार्यकालमा घिसिङ लोडसेडिङ अन्त्य गर्नुका साथै घाटामा रहेको प्राधिकरणलाई ९ अर्ब सञ्चित नाफामा पु¥याएका छन्। त्यस्तै विद्युत् चोरीमा उल्लेख्य नियन्त्रण, नयाँ आयोजनाको निर्माणमाले पनि उनको कार्यकालमा गति लिएको छ।