स्टार खेलाडीले भरिएको बैंगलोरको लज्जास्पद हार, पुरा टिमले पनि बनाउन सकेन पञ्जावका कप्तानको जति रन

सुनौलो नेपाल
शुक्रबार, ९ असोज २०७७

असोज ९ काठमाडौं: इन्डियन प्रिमियर लिग (आइपिएल)अन्तर्गतको गएराति भएको खेलमा स्टार खेलाडीले भरिएको रोयल च्यालेन्जर्स बेंग्लोरले लज्जास्पद हार व्यहोरेको छ। किंग्स-११ पञ्जावसंग बेंग्लोर निरिह बनेको हो।

पञ्जावले बेंग्लोरमाथि ९७ रनको जित निकालेको हो। पहिले ब्याटिङ गरेको पञ्जावले कप्तान केएल राहुलको शतकमा २० ओभरमा ३ विकेटको क्षतिमा २०६ रन जोड्यो। कप्तान केएल राहुलले १४ चौका र ७ छक्काको मद्दतमा ६९ बलमा नटआउट १३२ रन बनाए । उनले सात चौका र एक छक्काको मद्दतमा अर्धशतक पूरा गरेका थिए ।

जारी आइपिएलमा यो पहिलो शतक हो।

२०७ रनको लक्ष्य पछ्याएको बेंग्लोर १७ ओभरमा १०९ रनमै अलआउट भयो। उसका लागि वासिङ्टन सुन्दरले सबैभन्दा बढी ३० रन जोडे।

एबी डिभिलियर्सले २८, आरोन फिन्चले २० रन जोडे।

ताजा अपडेट

लोकप्रिय

स्टार खेलाडीले भरिएको बैंगलोरको लज्जास्पद हार, पुरा टिमले पनि बनाउन सकेन पञ्जावका कप्तानको जति रन