ढाका म्याराथनमा पुष्पाले जितिन् स्वर्ण

सुनौलो नेपाल
आइतबार, २६ पुष २०७७

काठमाडौँ। बङ्गलादेशमा सम्पन्न बङ्गबन्धु शेख मुजिब म्याराथनमा नेपालकी पुष्पा भण्डारीले भारतीय खेलाडीलाई उछिन्दै स्वर्ण पदक जितेकी छिन् । ढाकामा आज भएको दक्षिण एशियाली क्षेत्रको म्याराथनमा भण्डारीले निर्धारित दूरी दुई घण्टा ५९ मिनेट ४१ सेकेण्डमा पूरा गर्दै स्वर्ण पदक प्राप्त गरेको हो ।

सो स्पर्धामा भारतकी ज्योति गवातीले रजत पदक प्राप्त गरेको छ । उनले निर्धारित दूरी तीन घण्टा ४६ सेकेण्डमा पूरा गरेको थियो । सो प्रतियोगितामा भारतकै गिगमत डोल्माले तीन घण्टा नौ मिनेटमा निर्धारित दूरी पूरा गर्दै तेस्रो स्थान जितिन । गत वर्ष नेपालमै सम्पन्न १३औँ दक्षिण एशियाली खेलकूद (साग) मा भण्डारीले म्याराथनमा रजत पदक मात्र प्राप्त गरेको थियो ।

भण्डारी विभागीय टोली सशस्त्र प्रहरी बलको एपिएफ क्लबमा आवद्ध छन्।

ताजा अपडेट

लोकप्रिय

ढाका म्याराथनमा पुष्पाले जितिन् स्वर्ण