काठमाडौँ । नेपाल विद्युत् प्राधिकरणका कार्यकारी निर्देशक कुलमान घिसिङविरुद्धको मुद्दामा हितेन्द्रदेव शाक्यले दर्ता गराएको रिटमा आज पेसी तोकिएको छ ।

न्यायाधीश कुमार रेग्मी र टेकप्रसाद ढुंगानाको संयुक्त इजलासमा पेसी तोकिएको हो । शाक्यले दर्ता गरेको मुद्दामा अन्तिम सुनुवाइ हुन लागेको हो ।

सर्वोच्चले आज सुनुवाइ गरी फैसला गरेमा कुलमानको दोस्रो पटक भएको नियुक्तिको संवैधानिकताबारे व्याख्या गर्नेछ। यसअघि माघ ७ गते पेसी तोकिएको भए पनि स्थगित भएको थियो ।

सरकारले २०७८ साउन २४ मा विद्युत् प्राधिकरणको कार्यकारी निर्देशक रहेका शाक्यलाई हटाउँदै कुलमान घिसिङलाई नियुक्ति सिफारिस गरेको थियो।

प्राधिकरणको कार्यकारी निर्देशकमा आफूलाई हटाएर कुलमानलाई नियुक्त गर्ने निर्णयविरुद्ध शाक्यले न्यायिक उपचारको बाटो रोजेका थिए ।