काठमाडौँ । फिल्म ‘मनसँग मन’को छायाँकन सकिएको छ । ‘सही दिउँला तिम्रो लागि’ गीतको छायाँकनसँगै फिल्म सकिएको निर्माण पक्षले जानकारी दिएको छ । यस गीतको छायाँकन कालिनचोकमा गरिएको हो ।

रमजी लामिछानेको कोरियोग्राफी रहेको यस गीतमा पुष्प खड्का र वर्षा सिवाकोटीको अभिन्य रहेको छ । गीतमा मुकेश उदासको शब्द, रोशन हिङ्गमाङ्ग र अस्मिता अधिकारीको स्वर रहेको गीतमा अर्जुन पोखरेलको संगीत दिएका छन् ।

यस फिल्मलाई कैलाश राईको निर्देशन गरेका हुन भने अरुण तामाङ निर्माता हुन् । सौरभ लामाको छायांकन, अर्जुन जीसीको सम्पादन रहेको फिल्ममा सन्तोष खवासको एक्सन छ । 

पुष्प र वर्षाकै मुख्य भूमिका रहेको यो फिल्म आगामी २७ चैत्रमा रिलिज हुने बताइएको छ ।