रेग्गे म्युजिक आइकन बनी वेलरको मृत्यु भएको छ। उनको मंगलबार ७३ वर्षको उमेरमा जमैकाको कंगस्टनको मेडिकल एसोसिएट्स अस्पतालमा मृत्यु भएको हो । उनको स्ट्रोकको कारण मृत्यु भएको उनका म्यानेजर मैक्सिन स्टोले बताएको हो ।
जमैकामा जन्मेका बनीले सन् १९६३ मा ‘ वेलरस ट्रियो’ नामक रेगे ब्यान्ड गठन गरेका थिए । बब मार्ले, पीटर टोश उनको समुहका अरु सदस्य हुन् । बनिले ‘ वेलरस ट्रियो’ गठन गरे सँगै ‘सिमर डाउन’, र ‘रुड ब्वाई’ जस्ता हिट गीतहरू दिएका थिए । उनीहरूले जमैकाको रेग्गे संगीतलाई संसारभर फैलाउन सफल छन्। वेलर यस समूहको अन्तिम एक मात्र जीवित सदस्य थिए । मार्लेको सन् १९८१ मा क्यान्सरका कारण मृत्यु भएको थियो भने अर्का आइकन पीटरको सन् १९८७ मा आफनै घरमा गोली हानी हत्या भएको थियो ।
यस समूहले सन् १९७३ मा पहिलो एल्बम ‘द वेलिङ वेल्रस’ निकालेका थिए । जस्मा समेटिएका गीतहरू ‘कन्क्रीट जंगल’ र ‘स्ले ड्राइभर’ ले विलबोर्ड रेकङ ब्रेक गरेको थियो । बनीले बेस्ट रेगे एल्बम अन्तर्गत तीन ग्रामी अवार्ड जितेका थिए भने जमैका सरकार बाट सन् २०१७ मा ‘ अर्डर अफ मेरिट’ अवार्ड बाट सम्मानित भएका थिए। एजेन्सी