काठमाडौं । बहराइनको राजपरिवारका एक सदस्यसहित १६ जनाले सर्वोच्च शिखर सगरमाथा आरोहण गर्ने भएका छन् ।

बहराइनस्थित नेपाली दुतावासले विज्ञप्तीमार्फत दिएको जानकारी अनुसार सो टोली चैत २ गते सगरमाथा आरोहणका लागि नेपाल आउने छ । नेपाली राजदूत पदम सुन्दासलाई सो आरोहण दलका केही सदस्यहरूले भेट गर्दै जानकारी गराएका हुन् ।

आरोहण दलमा बहराइन रोयल गार्डमा कार्यरत १३ जना बहराइनी र ३ जना बेलायती नागरिक हुनेछन् । विशेष विमानबाट नेपाल आउन लागेको उक्त टोली नेपालमा ७९ दिनसम्म बस्ने छन् ।

सन् २०२० को अक्टोबरमा लोबुचे पीक र मनास्लु हिमाल सफलतापूर्वक आरोहण गरेको उक्त टोलीको लागि सगरमाथा आरोहणमा नेपालस्थित सेभेन समिट ट्रेक्स प्राइभेट लिमिटेडमार्फत बन्दोबस्त भइरहेको छ ।