रवि लामिछानेविरुद्ध पर्सा जिल्ला अदालतमा पनि मुद्दा दर्ता

सुनौलो नेपाल
आइतबार, १ असार २०८२

काठमाडौँ । वीरगन्जको सानो पाइला बचत तथा ऋण सहकारी संस्थाको रकम हिनामिना प्रकरणमा राष्ट्रिय स्वतन्त्र पार्टीका सभापति रवि लामिछानेविरुद्ध जिल्ला अदालत पर्सामा पनि मुद्दा दर्ता भएको छ । लामिछानेविरुद्ध पर्सामा गत शुक्रबार सहकारी ठगी तथा संगठित अपराधको मुद्दा दर्ता भएको हो ।

त्यस्तै, सो प्रकरणमा उनीसहित अन्य २९ जनालाई प्रतिवादी बनाइएको छ ।

जिल्ला अदालत पर्साका अनुसार लामिछानेविरुद्ध ११ करोड ५६ लाख ९४ हजार रुपैयाँ बिगो मागदाबी गरिएको छ ।

उक्त सहकारीले ५ हजार ८ सय ७३ जना बचतकर्ताको जम्मा २ अर्ब ३० करोड १४ लाख रुपैयाँभन्दा बढी रकम अपचलन गरेको प्रहरी प्रतिवेदनमा उल्लेख छ ।

सो प्रकरणमा छविलाल जोशीसँग ७ करोड २० लाख ९८ हजार बिगो मागदाबी सहित मुद्दा दर्ता भएको छ ।

ताजा अपडेट

लोकप्रिय

२०८२ असार २५ बुधबार

रवि लामिछानेविरुद्ध पर्सा जिल्ला अदालतमा पनि मुद्दा दर्ता