सुनौलो नेपाल
बाँके । नेपाली सेनाले बाँकेमा हतियारसहित अन्य सामाग्री बरामद गरेको छ ।
बाँके राष्ट्रिय निकुञ्जमा राखिएको स्पाइ क्यामरामा हतियार सहित केही व्यक्तिहरुले शंकास्पद गतिविधि गरेको देखिएपछि सेनाको ‘अपरेशन महाहण्ट ७’ मा खटिएको फौज र निकुञ्ज कार्यालयका कर्मचारी सहितको संयुक्त टोलीले शनिबार बांके जिल्ला, राप्ती सोनारी गाँउपालिका वडा नं.९ स्थित कोर ईलाका खैरी गोठ क्षेत्रमा खोजतलास गर्दा भरुवा बन्दुक २ नाल, बारुद ४०० ग्राम, केप १४ थान, शिकार गरिएको मासु लगायत शिकारमा प्रयोग हुने अन्य बन्दोवस्तीका सामानहरु बरामद गरेको हो । बरामद सामाग्रीहरु निकुञ्ज कार्यालयमा बुझाइएको छ ।
उक्त घटनामा संलग्न भई फरार भएका व्यक्तिहरुको खोजी भईरहेको छ । ‘अपरेशन महाहण्ट ७’ अन्तर्गत भइरहेका सफल कारवाहीहरुले राष्ट्रिय निकुञ्ज तथा वन्यजन्तु आरक्षहरुमा संरक्षित जिवजन्तु र प्राकृतिक सम्पदाहरुको सुरक्षा थप प्रभावकारी भई चोरी शिकारीका घटनाहरु नियन्त्रणमा आएको नेपाली सेनाको जनसम्पर्क तथा सूचना निर्देशनालयले जनाएको छ ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
