काठमाडौं । एनसेलले आफ्नो ‘सधैँ अन करोडपति’ योजना अन्तर्गत पहिलो हप्ताको भाग्यशाली विजेता ग्राहकहरु घोषणा गरेको छ । हिजो कान्तिपुर टिभी, एनसेल एप र कम्पनीको यूट्युव च्यानलमार्फत १/१ लाख नगद पुरस्कार जित्ने १० ग्राहकहरु छानिएका हुन् ।

विजेता ग्राहकहरुलाई कम्पनी आफैले पनि सम्पर्क गर्ने र घोषणा भईसकेपछि नगद पुरस्कार लिनका लागि ढिलामा ३५ दिनभित्र कम्पनीको सम्पर्कमा आईसक्नु पर्ने एनसेलले जनाएको छ । यो योजनामा एक जनाले १ करोड नगद बम्पर बाहेक १२ हप्तासम्म प्रत्येक हप्ता १०/१० जनाले १/१लाख गरि १२० जनाले जनही १ लाख नगद पुरस्कार पाउने छन् ।

यो पहिलो हप्ता १ लाख नगर पुरस्कार जित्ने १० वटा टिकट नम्बरहरु निम्न अनुसार रहेका छन् :

– डब्लु१–००१३११७१
– डब्लु१–००५५२२८१
– डब्लु१–०११४६१८७
– डब्लु१–०१७९५६४५
– डब्लु१–०२१०२६७६
– डब्लु१–०३६६१८३३
– डब्लु१–०३७९१८४०
– डब्लु१–०४३९४३८०
– डब्लु१–०४८५६२३१
– डब्लु१–०५७३०६४७

के हो सधैं अन करोडपति योजना?

‘सधैँ अन करोडपति’ योजना एनसेलले लामो समयको अन्तरालपछिसञ्चालनमा ल्याएको एक ठूलो ग्राहक योजना हो । योजनाको अन्तिममा १जना भाग्यशाली विजेता ग्राहकले नगद १ करोड बम्पर पुरस्कार पाउने छन् ।

यो योजनामा नगद पुरस्कारका साथै सहभागी हुने प्रत्येक ग्राहकले डेटा, भ्वाइस वा डिजिटल सेवालगायत विभिन्न सेवा बोनस स्वरुप प्राप्त गर्दछन् । आइतबारदेखि शनिबारसम्मको साप्ताहिक चक्रअनुसार संचालन भईरहेको यो योजना असार १ देखि १२ हप्ताका लागि सञ्चालनमा रहने एनसेलले बताएको छ ।

कसरी सहभागी हुने?

यो योजनामा सहभागी हुन ग्राहकहरूले कम्तीमा ९९ रुपैयाँ वा सोभन्दामाथिको कुनै पनि एनसेल सेवा—जस्तै नयाँ सिम, डेटा प्याक, भ्वाइसप्याक, एसएमएस प्याक, रोमिङ प्याक वा कम्बो प्याक लिनु पर्दछ ।

ग्राहकहरूले *१२३# डायल गरी, नजिकको आधिकारिक खुद्रा विक्रेता वा एनसेल सेन्टरमा गई, अथवा एनसेल एप, एनसेल वेबसाइटमार्फत एनसेल सेवाहरु लिन सक्छन् । त्यसैगरी एनसेल प्याक खरिद समर्थन गर्ने नेपालमा दर्ता भएका कुनै पनि डिजिटल वालेट वा बैंक प्लेटफर्ममार्फत एनसेल सेवा लिन सकिन्छ ।

एनसेलका अनुसार हरेक ९९ रुपैयाँ बराबरको सेवा खरिद गर्दा ग्राहकले योजनाको १ वटा टिकट प्राप्त गर्छन् । यदि ग्राहकहरुले ४९९ रुपैयाँ बराबरको सेवा खरिद गर्छन् भने, उनीहरूले ५ वटा टिकट प्राप्त गर्दछन् । यसको मतलब प्याककोमूल्य जति बढी भयो जित्ने सम्भावना पनि त्यत्तिकै बढी हुन्छ ।

यस योजनाको अर्को विशेषता भनेको रिन्यूअल वा रोमिङ सेवा खरिद गर्दाग्राहकले नगद पुरस्कार जित्ने दोब्बर मौका प्राप्त गर्ने हो । उदाहरणका लागि, सामान्य रूपमा ९९ रुपैयाँको सेवा वा प्याक खरिद गर्दा १ वटा टिकट प्राप्त हुन्छ, तर यदि त्यो सेवा रिन्यूअल वा रोमिङ हो भने ग्राहकले २ वटाटिकटहरु प्राप्त गर्दछन् ।

आफ्नो टिकट कसरी थाहा पाउने?

एनसेलका अनुसार ग्राहकहरुले आफूले सेवा खरिद गरिसकेपछि एसएमएसमार्फत एक लिङ्क पाउँछन् । सो लिङ्कमा गई उनीहरुले आफूले पाएको टिकटहरु हेर्न सक्छन्। एनसेल एपमार्फत, *९९९९# डायल गरेर, वा चालु हप्ताका लागि १ र सम्पूर्ण योजना अवधिका लागि २ टाइप गरी ९९९९ मा एसएमएस पठाएर आफुले पाएका टिकटहरू हेर्न सक्ने व्यवस्था गरिएको एनसेलले जनाएको छ ।

कुनै पनि नेपाली बैंकमा खाता र प्यान नम्बर भएका सबै प्रिपेड, पोस्टपेड र वायर–फ्री ग्राहकहरू यस योजनामा सहभागी हुन योग्य हुने छन् । पोस्टपेडप्रयोगकर्ताहरूले मासिक रूपमा सक्रिय रहेर वा नयाँ पोस्टपेड सिम खरिदगरेर सहभागी हुन सक्ने छन् । हरेक रिन्यूअलमा टिकटहरू स्वचालित रूपमा जारी हुने एनसेलले जनाएको छ ।

विजेता कसरी छानिन्छ?

यस योजना अवधिभर प्रत्येक आइतबार साँझ ६:३० देखि ७:०० बजेको समयामा एनसेल यूट्युव च्यानल, एनसेल एप र कान्तिपुर टिभीमार्फत प्रसारण हुने कार्यक्रममार्फत नगद पुरस्कार विजेताहरू घोषणा गरिन्छ । नगद पुरस्कार हस्तान्तरण प्रक्रियाका लागि एनसेलले विजेताहरूलाई सिधैं सम्पर्क पनि गर्नेछ ।

एनसेलका अनुसार थप जानकारीका लागि ग्राहकहरूले ९९९९ डायल गर्न सकिने वा नजिकको एनसेल सेन्टरमा जान सकिने एनसेलले जनाएको छ ।