काठमाडौं। कर्णाली प्रदेश सरकारका नवनियुक्त मन्त्रीहरुको सपथ ग्रहण आजै गर्ने तयारी गरिएको छ।
पार्टी ह्विप उलंघन गर्दै मुख्यमन्त्री महेन्द्रबहादुर शाहीलाई विश्वासको मत दिएपछि मन्त्री नियुक्त भएका ३ जना एमाले सांसदहरुलाई आजै मन्त्रीको सपथ गराइने भएको हो।
मुख्यमन्त्री शाहीले एमाले कर्णाली प्रदेश सांसद नन्दसिंह बुढालाई भूमि व्यवस्था, कृषितथा सहकारी, अमरबहादुर थापालाई भौतिक पूर्वाधार विकास र कुर्मराज शाहीलाई उद्योग, पर्यटन, वन तथा वातावरण मन्त्रीमा नियुक्त गरेका थिए । नवनियुक्त मन्त्रीत्रयले शुक्रवार ‘फ्लोर क्रस’ गरेर मुख्यमन्त्रीलाई विश्वासको प्रस्तावमा मतदान गरेका थिए ।