काठमाडाैं । त्रिकोणात्मक टी २० क्रिकेट सिरिजमा नेपालले लगातार दोस्रो जित निकालको छ । कुशल र आशिफको उत्कृष्ट ब्याटिङका कारण नेपालको मलेसियामाथि ९ विकेटकाे जित हात पारेकाे हाे ।
टस हारेर ब्याटिङको निम्तो पाएको मलेसिया १६ ओभर पाँच बलमा १०९ रनमा अलआउट भयो ।
बलिङमा नेपालका करण केसीले तीन विकेट लिए भने सन्दीप लामिछानेले दुई तथा सोमपाल कामी, दिपेन्द्रसिंह ऐरी, साहब आलम, कुशल मल्लले एक एक विकेट लिए ।
जवाफमा नेपालले १२ ओभर एक बलमा एक विकेट गुमाएर लक्ष्य पूरा गर्याे ।
नेदरल्याण्ड्सविरुद्धको खेलमा एक सय १६ रनको साझेदारी गरी कीर्तिमान बनाएका कुशल र आशिफले मलेसियाविरुद्ध पनि १०२ रनको साझेदारी गरे ।