काठमाडाैं । नयाँ बजारस्थित भ्याली कोल्ड स्टोरमा रहेको भ्याली एक्सप्रेसले कुहिएकाे कुखुराको फ्राइड चिकेन बेचेको पाइएको छ ।
बुधबार बेलुका धादिङका सञ्जीव त्रिपाठीसहितको टोलीले फ्राइड चिकेनको एक बकेट किनेर खान खाेज्दा कुहिएर डुङ्गडुङ्गती गनाएको थियाे । होटलले कुहिएकाे खानेकुरा बेचिरहेको भन्दै उनीहरुले होटलविरुद्ध आक्रोश पोखेका थिए ।
होटल व्यवस्थापनलाई खानामा कमजोरी रहेको र गुणस्तरहीन खाना बेचेको भनी गुनासाे गर्दा हाेटलका म्यानेजर महेश भट्टराईले उल्टै खानका लागि आग्रह गरी बिरामी भए हामीले जिम्मा लिन्छौँ भनी गैरजिम्मेवार जवाफ दिए ।
भ्याली एक्सप्रेसले कुहिएर डुङ्गडुङ्गती गनाएको फ्राइड चिकेनलाई महँगो पैसा लिएको तर खानामा गुणस्तर नभएको भनी प्रहरीमा उजुरी गरेपछि प्रहरीले होटल बन्द गर्न लगाई होटलका म्यानेजर महेश भट्टराईलाई नियन्त्रणमा लिएको थियो ।
हेर्नुहोस् बुधबार बेलुका नयाँ बजारको भ्याली कोल्ड स्टोरमा रहेको भ्याली एक्सप्रेसमा के–के भयो ?