काठमाडौं । नेपाली कांग्रेसका प्रवक्ता विश्व प्रकाश शर्मालाई कोभिड १९ संक्रमण पुष्टी भएको छ । 

प्रवक्ता शर्माले ट्वीटरमार्फत आफू कोरोना संक्रमित भएको जानकारी दिएका हुन् । ज्वरो र जीउ दुखाइ बढेपछि उनले आइतबार बेलुकी स्टार हस्पिटलमा स्वाब परीक्षण गराएका थिए । सोमबार बिहान रिपोर्ट पोजेटिभ आएको र आफू घरमै आइशोलेसनमा बसेको जानकारी दिएका छन् ।

उनले आफूमा कोरोना संक्रमण पुष्टी भएसँगै टेकुमा कार्यरत डा। मित्र अनुप बास्तोलाको निर्देशन अनुरूपको औषधि सेवन शुरु गरेको जानकारी दिएका छन् । प्रवक्ता शर्माले सबैलाई सजग बनौं भन्दै सन्देश समेत दिएका छन् ।

ज्वरो र जीउ दुखाइ बढेपछि आइतबार बेलुकी Star Hospital पुगेर स्वाब दिएं l बिहानिपख रिपोर्ट आयो-पोजेटिभ l टेकु´का डा मित्र अनुप बांस्तोलाको निर्देशन अनुरूपको औषधि सेवन शुरु गरेको छु l डेरामै आइसोलेसनमा छु l लक्षणले च्यापेका छन् तर मनोबल उच्च छ l

सबैलाई विनम्र आग्रह छ – सजग बनौं !

— Bishwa Prakash शर्मा (@bishwaprakash77) May 3, 2021