गृहमन्त्री अर्याललाई धेरै नउत्ताउलिन र धेरै नचम्किन ओलीको सुझाव

सुनौलो नेपाल

बिहिवार , आश्विन २३, २०८२

गृहमन्त्री अर्याललाई धेरै नउत्ताउलिन र धेरै नचम्किन ओलीको सुझाव

काठमाडौं । पूर्व प्रधानमन्त्री तथा एमाले अध्यक्ष केपी शर्मा ओलीले गृहमन्त्री ओमप्रकाश अर्याललाई धेरै नचम्किन सुझाव दिएका छन् । बिहिबार भक्तपुरमा आयोजित कार्यक्रममा बोल्दै उनले यस्तो बताएका हुन् ।

उनले नामै नसुनेको व्यक्ति अहिले गृहमन्त्री भएको बताए । उनले भने, ‘अहिलेका गृहमन्त्रीको नाम पनि सुनेको थिइन् । गृहमन्त्री भएपछि थाहा पाएँ ।’

उनले थप भने, ‘गृहमन्त्रीको सम्बन्धमा मलाई धेरै केही भन्नु परेको छैन । गृहमन्त्री बाबुलाई धेरै नउत्ताउलिन, धेरै नचम्किन, सम्हालिन सल्लाह दिन चाहन्छु । राजनीति ख्यालठट्टा होइन, देश चलाउने कुरा ख्यालठट्टा होइन । यस कुरालाई बुझेर चल्न सुझाव दिन चाहन्छु ।’